Sunday, March 22, 2015

110 වන ආදරවන්තයන්ගේ සටන | පසු සටහන..

 110 වන රිච්මන්ඩ් - මහින්ද ආදරවන්තයන්ගේ සටන ගාලු ජාත්‍යන්තර ක්‍රීඩාංගනයේදී නිමා වුනේ රිච්මන්ඩ් පිලට ඉනිමක සහ ළකුණු 26 ක ජයග්‍රහණයක් අත් කර දෙමිනි. ඉතිහාසගත තරගයක් ලෙස හැදින්ව්ය හැකි මෙහි පසු විපරමක් කිරීමට මෙම කාලය උචිත යයි සිතමි.

මෙවර ක්‍රිකට් තරගය විශේෂ වන්නේ ඉතිහාස පොත් වල තිබූ තරග වාර්ථා බිද හෙලුනු තරගයක් ලෙසින් ය. පළමුවන කඩුල්ලෙහි වැඩිම සබදතාවය සහ ඕනෑම කඩුල්ලක් සහදා වැඩිම සබදතාවය යන ශීර්ෂ ද්විත්වයෙහි තම නාමය සටහන් කිරගැනීමට රිච්මන්ඩ් විද්‍යාලයීය නායක සිතාර ගිම්හාන සහ චරිත් අසලංක සමත් විය. එහිදී චරිත් ශතකයක් වාර්ථාකිරීම විශේෂ විය. එමෙන්ම රිච්මන්ඩ් වරුන්ට මෙය පිට පිට දෙවන ජයග්‍රහණය ද විය.

මෙවර ක්‍රිකට් තරගය පැවැත්වීම පිලිබද යම් ගැටලුකාරී තත්වයක් උත්ගත වී තිබූ නමුත් රිච්මන්ඩ් විද්‍යාලය සහ මහින්ද විද්‍යාලය අතර තිබූ සාකාච්ඡා වලින් අනතුරුව එය යතාර්ථයක් විය.මෙවර රිච්මන්ඩ් විද්‍යාලය ආදරවන්තයන්ගේ සටනෙහි තේමාපාඨය කරගත්තේ #AllWeDoIsWin ය. මහින්දීයයන් ගේ තේමාපාඨය #FearNothing විය. වෙනදාට වඩා දෙපාර්ශවයේම දැඩි උනන්දුවක් මෙම තරගයට විය. රිච්මන්ඩ් විද්‍යාලයීය ක්‍රීඩකයින් තරග රැසක් ජයග්‍රහණය කොට තිබූ නිසා රිච්මන්ඩ්වරුන් හට තවත් ජයග්‍රහණයක බලාපොරොත්තුවක් විය. මෙවර Vehicle Parade එක සදහා රිච්මන්ඩ් විද්‍යාලයෙන් සුපුරුදු වාහන ගොන්න හැරුනුකොට Chopper එකක් ගෙන්වා තිබීම විශේෂ විය. එය රිච්මන්ඩ් - මහින්ද ආදරවන්තයන්ගේ සටනට නව කෝණයක් එක් කිරීමට සමත් විය.

ආදරවන්තයන්ගේ සටන යෙදුනු දින දෙකෙහිදී විද්‍යාලයීය ශිෂ්‍යයන්, ගුරුවරුන් හා ආදි ශිෂ්‍යයන් හට තරගය නැරඹීමට සුදුසු වාතාවරණයක් සෑදීමට රිච්මන්ඩ් හා මහින්ද විද්‍යාලයේ ශිෂ්‍ය නායක මණ්ඩලය දරා තිබූ වෙහෙස මතක් කළ යුතුම ය. විද්‍යාල දෙකෙහිම ඉතා අලංකාර තොරන් දෙකක් දිස් විය. මුලු නගරයම රිච්මන්ඩ් හා මහින්ද ධජයන් වලින් සන්නද්ධ වී ආදරවන්තයන්ගේ සියවසකටත් වඩා ඉපැරණි ඒ ප්‍රෞඩත්වය විදහා දැක්වා තිබින. රිච්මන්ඩ් හා මහින්ද විද්‍යාල වල තොරතුරු තාක්ෂණ ඒකක මගින් සංවිධානය කර තිබුනු අන්තර්ජාල විකාෂයන් ඉතා ඉහල මට්ටමක තිබින. විස්තර විචාරය ගෙන එනු ලැබූ මාධ්‍ය සංසද ද විශේෂයෙන් මතක් කළ යුතු ය.

ක්‍රිකට් තරගය පවත්වා දෙවන දිනයෙහි රිච්මන්ඩ් පිලෙහි ජයග්‍රහනයත් සමගම රිච්මන්ඩ්වරුන්ගේ ප්‍රීතිගෝශා වලින් ගාලු නගරය පිරී ඉතිරෙන්නට විය. රිච්මන්ඩ් වරුන්ගේ සතුට භුක්තිවිදීමට මහින්දීයයන් ඉඩ අවකාෂ ලබා දිය. අනතුරුව ඔවුන් ද ක්‍රීඩාංගනයට පැමිණ තම සහෝදර රිච්මන්ඩ්වරුන්ට සුභපතන්නටත්, ඔවුන් සමග ඡායාරූප ලබා ගැනීමටත් අමතක කළේ නැත.

මෙම තරගය ඉතිහාසගත වන්නේ රිච්මන්ඩ් වරුන් ජයග්‍රහනය කළ නිසා ම නොවේ. රිච්මන්ඩ් - මහින්ද යන පාසල් දෙකෙහි සහෝදරත්වය වර්ධනය වූ අවස්ථාවක් ලෙස ය. චරිත් අසලංකගේ ශතකය ලබාගත් මොහොතෙහි මහින්දීය ක්‍රීඩකයන් පැමිණ ඔහුට සුභපැතුම් එක් කිරීම ක්‍රිකට් ක්‍රීඩාවේ ජීවගුණය පෙන්වන අවස්ථාවක් විය. රිච්මන්ඩ්වරුන්ගේ ජයග්‍රහනය ට සුභපැතුම් එක් කළ මහින්දීයයන් ඔවුන්ගේ සහෝදරත්වය පෙන්විය. එබැවින් මෙය ඉතිහාසගත අවස්ථාවකි. 

ඉතිහාස පොත් වල සටහන් වන්නේ අන් කිසිවක් නොව, රිච්මන්ඩ්වරුන් හා මහින්දීයයන්ගේ සහෝදරත්වයයි!

Monday, February 2, 2015

Big Match තිබුන විදිහ


Big Match එක කියන්නෙ ඔය cricket ගහන පැය දහය - පහළව නෙවෙයි, මේක තනිකර උප සංස්කෘතියක්.. බිග් මැච් එකේ ටිකට් එක දෙන දවසටත් කලිං, මැච් එක ලං වෙද්දි කොච්චර නං දේවල් ඉස්කෝල වල වෙනවා ද.. ඉස්කෝලෙ යන ළමයි, ශිෂ්‍ය නායකයො, ගුරුවරු, ඉස්කෝලෙං අවුට් වෙච්ච ළමයි, දෙමවුපියො, ඉස්කෝල වල පරිපාලනය, ඒ නගරෙ මිනිස්සු කියන හැමෝටම මේක අඩු වැඩි වශයෙං බලපානවා..

පොඩි පංති වල ළමයි බලං ඉන්නෙ prefect අයියලා ඇවිත් cheer practice එක්කං යනකං. අතේ බැදගත්තු bangle එකේ ලස්සන පෙන්න පෙන්න ගිරිය පුප්පගෙන පුලුවං තරං හයියෙං කෑ ගහන්නෙ වටපිටාව හැඩගැහුන විදිහත් එක්ක ඇති වෙච්ච අමුතුම හැගීමක්, ඉස්කෝලෙ ගැන වෙනදා තිබ්බෙ නැති ආදරයක් නිසා. මට දැනෙන විදිහට නම් ළමයෙක් ඉස්කෝලෙටක ආදරේ කරන්න පටංගන්න පළවෙනි තැන ඔතන. 

මට මතකයි අපි හතේ අටේ ඉන්දිද්දි ඉස්කෝලෙ පාට නූල් තියාගෙන ගොතනවා ෆයිල් කවරයක් අස්සෙ දාගෙන. පුලුවං තරං මහතට, එක එක රටා වලට ගොතපු bangle තොගේ ගැන මතක් වෙද්දි මට හිතෙන්නෙ කොල්ලොන්ට ඒ වැඩ කෙල්ලොන්ටත් වඩා හොදට පුලුවං කියලයි. මැච් එකේ ටිකට් එක හම්බ උනාම ඒක පරිස්සමට අරං ගිහිං තියාගන්නෙ අමුතුම හැගීමකිං. ටවුන් එකට යද්දි පාර නැතුව උඩ බලාගෙන යන්නෙ මුලු ටවුන් එකම කොඩි වලින් වැහිලා නිසා. කොඩි කීයද, මොන ඉස්කෝලෙ කොඩියද වැඩිම උසකිං තියෙන්නෙ කියලා බලන්නෙ නිරායාසයෙං. Prefects ලා ටික කොඩි හිටවන්නෙ, තොරං ගහන්නෙ, සුවිනිය(ර්)ස් හදන්නෙ පුදුම මහන්සියකිං. 

ඉස්කෝල වල කලිං ඉගනගත්ත ළමයි එදාට ඇවිත් ඒ කාලෙ වෙච්ච දේවල් ගැන එහෙම කතා බහ කරලා මතකයන් අලුත් කරගෙන, එකතු වෙලා අර තඩි කොඩිය කට්ටියත් එක්ක එකතු වෙලා උස්සන්නෙ ඕකෙ එක අංගයක් හැටියටම තමයි. ඔය බිග් මැච් එකට කලිං තියන බිල් ඩිබෙට් එක එනකං බලං ඉන්න කොටසක් ඉන්නවා. ඒකත් ඔය බිග් මැච් එකටම අදාල අංගයක්. ඕවර් 50 ක්‍රිකට් තරගෙත් ඕකෙම අංගයක්. එකී මෙකී නොකී හැම දෙයක්ම මේ උප සංස්කෘතියෙ අංග.

මේ කිවුවෙ රිච්මන්ඩ් - මහින්ද බිග් මැච් එක තිබුන විදිහ ගැන. ඒක නැති වෙන එකක් නෑ කියලා අපි හිතමු..

Monday, October 6, 2014

NO PMC | අපි ඇත්ත කතා කරමු


ඇයි මේ එකපාරටම වෛද්‍ය ශිෂ්‍යයො පාරට බැහැලා කෑ ගහන්නෙ? ඇයි මිනිස්සු එක එක පැති ගන්නෙ? පෞද්ගලික වෛද්‍ය විද්‍යාල මේ රටට ඕන ද? ඇයි මිනිස්සු ඒවා ඕන කියන්නෙ? ඇයි මිනිස්සු ඒවා එපා කියන්නෙ? මේ කෑ ගහන්නෙ ඊරිසියාවට ද? නැත්තං කුහක කමට ද? පෞද්ගලික වෛද්‍ය විද්‍යාල තිබ්බා කියලා මොකද වෙන්නෙ? මේ ළගදි කොළඹ වෛද්‍ය ශිෂ්‍ය ශිෂ්‍යාවො ටික බෝඩ් ලෑලි ටිකකුත් අරං පාරට බැහැලා කෑ ගැහුවා නෙ මාලඹේ පෞද්ගලික වෛද්‍ය විද්‍යාලය ගැන කියලා. 



මං මේ කතන්දරේ සුලමුල හොයන්න කියලා දැනුංතේරුං තියන වෛද්‍ය ශිෂ්‍යෙයක්ගෙන්ම කාරණේ ගැන ඇහුවා..




මං : මචං ඇයි බං NO PMC?

යාලුවා : 
“නෑ කොල්ලෝ මම විරුද්ධ සමස්තයට නෙවෙයි. සයිටම් එකේ මගෙත් යාලුවෝ ඉන්නවනේ බන්. සයිටම් එකේ රිපිටීෂන් සිස්ටම් එක ක්‍රියාත්මක වෙන්නේ නෑ. උන්ට මහන්සි වෙන්න තරම් දරුණු සිලබස් එකක් නෑ. ජෙනරල් ග්‍රේඩ් එකෙන් නෙවෙයි ස්පෙසිෆික් මට්ටමෙන් ක්ලාස් පටන් ගන්නේ.“

මං : මොකද්ද බං අර වාට්ටු ඉල්ලන සීන් එක?

යාලුවා : 
ඒක තමයි මචෝඕනෑම යුනිවර්සිටි එකක් හදන්න කලින් එකේ උන්ට පුහුණුව ගන්න ටීචින් හොස්පිටල් එකක් හදන්න ඕන. හෙද විද්‍යාලයකට වුනත් එහෙමයි. මුන් එහෙම හදාගන්නේ නැතුව එක ගන්න හදන්නෙත් කලම්බු උනි එකේ හොස්පිටල් එකෙන්.

මං : ඉතිං ඉඩකඩ කොහොමද බේරගන්නෙ?

යාලුවා :
එක තමයි බන් අපිත් අහන්නේ. හරිම අසාධාරණයි නේ බන්. උන් දැනගන්න ඕන නේ කැම්පස් එක හදනකොට හොස්පිටල් එකත් හදන්න. අර අහිංසක කොළඹ උන්ගේ චාන්ස් එක හොරකම් කරන්නේ නැතුව.

ඒත් එක්කම 2012 ලංකාවෙ දෙවනියා වෙච්ච ළමයා කියපු කතාවකුත් මෙහෙම්මම කියන්නම්..

අපේ ප්‍රධාන ඉල්ලීම “Governors, take back the decision to allow Malabe - PMC students to practice clinicals in state hospitals

“අපි මේ කියන්නෙ කාත් එක්කවත් තියන ඊරිසියාවකට නෙමෙයි. ඇත්ත තත්වෙ තේරුම්ගන්න. ලංකාවේ රෑංක් වලින් පළවෙනි 198 දෙනා ඉන්නෙ අපේ බැච් එකේ. හැමදාම පුදුමාකාර විදිහට මහන්සි වෙලා, 100%ක් පැමිණීම තියාගෙන, පොඩි නිවාඩුවක්වත් ගන්නෙ නැතුව පාඩම් කරලා අපිට විභාග වලින් පාස් වෙන්න තියන ළකුණු 50 ක් ගන්නෙ පුදුමාකාර අමාරුවෙන්. ඒක අපි හැමෝටම පොදුයි. ඒ දේ ඇත්තද කියලා බලන්න නම් මේ තියන විභාග කරන්නම ඕන. ඇත්තම කියනවා නම් අපිට පුදුමත් හිතෙනවා SAITM එකේ ළමයි 90 ගනං විශයන් වලට ගන්නවා කිවුවාම.“

මේ කතාව ඇහුවාට පස්සෙ මට තේරුනා එක දෙයක්. යමක් කමක් හරියට දැනගෙන මේ කෑගහන අය කෑ ගහන්නෙ කරුණු දෙකක් මත.
* SAITM එකේ තියන ඩිග්රි එකේ කොලිටි එක ගැන සෑහීමකට පත් වෙන්න බැරි කාරණාව
* කොළඹ වෛද්‍ය ශිෂ්‍යයන්ට තියන Teaching Hospital එක SAITM එකේ ළමයින්ටත් දෙන්න කියන එක

මං දකින විදිහට මේ අරගලේ තේමාව “ලංකාවට පෞද්ගලික වෛද්‍ය විද්‍යාල ඕන නෑ.. තියන ඒවා වහපල්ලා.. “ කියන එක නෙමෙයි.. “තියන ඒවා හරියට හදපල්ලා“ කියන එක.. 

හැබැයි මේක සමාජයේ ලොකු කතිකාවක් ඇති කරලා තියෙන්නෙ ඇයි?

මිනිස්සු පිල් බෙදිලා. පෞද්ගලික වෛද්‍ය විද්‍යාල ඕන සහ ඕන නෑ කියන තේමා දෙක යටතෙ. කාරණාව දික් කරං වලිගෙ පාගගත්ත මිනිස්සු කියන්නෙ පෞද්ගලික උසස් අධ්‍යාපන ආයතන ඕන සහ ඕන නෑ කියලා. මම දකින විදිහට කාරණය සරලයි.. මේ කියන දෙය පාදක කරගෙන මං නං කියන්නෙ,


  • පෞද්ගලික වෛද්‍ය විද්‍යාල තියෙන්න ඕන
  • ඒ තියන පෞද්ගලික වෛද්‍ය විද්‍යාල “නිසි“ වෛද්‍ය විද්‍යාල වෙන්න ඕන. (නිසි කියලා අදහස් කරේ විභාග වල ප්‍රමිතිය හොද වෙන්න ඕන, හරියාකාර වෛද්‍යවරයෙක් විදිහට ඒ ආයතනයෙන් එලියට එන්න අවශ්‍ය පහසුකම් සහ පුහුණුව ලැබෙන්න ඕන)


මේ දෙක නිසියාකාරව වෙන්නෙ නැත්තං ඇත්තටම ඒක ලොකු ප්‍රශ්නයක්. මොකද වෛද්‍යවරයෙක් කියන්නෙ ජීවිත එක්ක ගණුදෙනු කරන මනුස්සයෙක්. ඒ කෙනා ඒ දේ හරියට දන්නෙ නැත්නම් එතන ලොකු ප්‍රශ්නයක් තියනවා. හැබැයි ඒකට විසදුම තියන ඒවා වහලා දාන එක නෙමෙයි. හරියාකාර විදිහට ආපහු පටන් ගන්න එක. නැත්තං ඒකෙ ඉගනගන්න ළමයින්ට යන කලදසාව මොකද්ද...

මෙහෙම එකකුත් තියනවා. 

“ඕවා වහලා දාපල්ලා, අපි තමා ළකුණු ගත්තෙ. අපි විතරයි දොස්තරලා වෙන්න ඕන.“ කියලා හිතන පිරිසකුත්,

“කොලිටිය බල්ලාට ගියාවෙ.. අපිට ඕන ඩිග්රියක්.. ඩිග්රිය තිබ්බාම අපි දොස්තරලා“ කියලා හිතන පිරිසකුත් නැතුව නෙමෙයි.

එහෙම නැට්ට අල්ලගෙන වටේ දුවන අය නිසා තමයි මිනිස්සු පොදු ප්‍රශ්නෙ පැත්තකිං තියලා පිල් බෙදිලා කොටා ගන්නෙ..


මේකත් එක්ක කියන්න තව දේකුත් තියනවා..

මේ ලංකාවෙ හැමෝටම මෙහෙම ප්‍රශ්න නෑ. එදා වේල ගැටගහගන්න බැරි මිනිස්සු කොහොම ඕවාට යන්න ද? කොහේ තියන සල්ලියක් ද? හැබැයි පෞද්ගලික විශ්ව විද්‍යාලයකට උසස් අධ්‍යාපනයට තමන්ගෙ දුවව පුතාව යවන හැම අම්මා තාත්තාම මහා කෙරුම්කාරයොත් නෙමෙයි. තියන ඉඩං කඩං රත්තරං බඩු විකුණලා තමන්ගෙ ළමයින්ගෙ ජීවිත සැපවත් කරන්න හදන අහිංසක මිනිස්සුංගෙ ළමයිත් මේ කැම්පස් වල ඉන්නවා. හොදටම සල්ලි තියන මිනිස්සු ළමයි රට යවනවා. අනිත් මිනිස්සු පුලුවං විදිහට උගන්නනවා. එහෙම බැරි දුප්පත් අසරණ ළමයි කට්ට කාගෙන පළවෙනි දෙවනි තුන්වෙනි සැරේ හරි කරලා කොහෝම හරි මොකකට හරි යනවා. ඒ බැරි වෙච්ච ළමයි ට මොනවා වෙනවාද කියලා හිතාගන්න බෑ..


ඇත්තම කියනවා නං පිටරට ඔය තත්වෙ වෙනස්. ඒ රට වල උසස් පෙළ කරාට පස්සෙ ළමයින්ට ණයක් ගන්න පුලුවන්. ඒ ණය ගන්නෙ ඉගෙනගන්න. උසස් අධ්‍යාපනයට ඒ මුදල යොදවලා පස්සෙ ලැබෙන රැකියාවෙ වැටුපෙන් ඒ ගාන ගන්නවා. ඉතින් දුප්පත්, පෝසත් ඕනම කෙනෙක්ට ඉගනගන්න අවස්ථාව තියනවා. ඒ වගේ දෙයක් ලංකාවෙත් තිබ්බා නං කොච්චර හොදද කියලා හිතෙනවා.


ප.ලි. : 
මේක මෙහෙම වෙද්දි NO PMC කියන කට්ටියකුත් ඉන්නවා. ඒ අය කැමති නෑ කැමති නෑ පුද්ගලික කැම්පස් බිහිවෙනවාට. සමහරු කියන්නෙ එහෙම උනාම නිදහස් අධ්‍යාපනේ රැකෙනවා කියලා. ඇත්තටම මම නං ඒ කතාවට විරුද්ධයි. නිදහස් අධ්‍යාපනේ අපි හැමෝටම තියනවා සාමාන්‍ය පෙළ වෙනකං. ඒකෙන් සමත්වෙන මිනිස්සුන්ට උසස් පෙළටත් නිදහසේ අධ්‍යාපනය කරන්න පුලුවන්. ඒ කියන්නෙ බහුතරයකට. ඒත් කැම්පස් යන්නෙ ඔය බහුතරයෙන් ඉතාම සුලු පිරිසක්. ඒ අයට විතරක් නිදහස් අධ්‍යාපනේ දුන්නාම අනිත් මිනිස්සුන්ට මොකද වෙන්නෙ? ඔය NO PMC කතන්දරේ නං මහ හනමිටි අදහසක්. ඒක ගැන නං කතා කරලා වැඩක් නෑ..

ප.ප.ලි. : 

මේ දේ මෙහෙම සිද්ධ වෙද්දි මං ශෙයා කරපු පෝස්ට් එකට මාලඹේ සයිටම් එකේ ඉගනගන්න අයියා කෙනෙක් මේ විදිහට ඔහුගෙ අදහස් දැක්වුවා. පෝස්ට් එක ඇත්තටම සමබර වෙන්න මම ඒකත් මේත් එක්කම එකතු කරන්නම්..

මල්ලි ප්‍රමිතියක් තියෙන්න ඕනේ කියන කතාවට අපිත් එකගයි,මල්ලි saitm එකේ lectures කරන්නේ local uni වල lecturesල මයි.exam වලට examinersla විදියට outside lectures ල වත් ගෙන්නනව,වෙන මොකටවත් නෙවෙයි,government med faculty වල ප්‍රමිතියම තියාගන්න.එ වගේම local uni වල වගේම 50 pass mark එක අපිටත් තිනවා,අපි කන කට්ට දන්නේ අපි විතරයි,colombo teaching හොස්පිටල් එක අපි කවදාවත් ඉල්ලුවේ නැහැ මල්ලි,අපි දන්නවා කවදාවත් එක හම්බවෙන්නේ නැහැ කියන එක,එක ඉල්ලන්න කොමත් අපිට අයිතියකුත් නැහැ,government හොස්පිටල් ඉල්ලුවේ වෙන හේතුවක් නිසා,4 වෙනි අවුරුද්දෙ එන community medicine කියන subject එක private hospital එකක කරන්න බැහැ,මොකද MOH office pvt secter එකේ නැහැ,එවගේම forensic medicine කරන්නත් PVT hospital වල බැහැ.අපි ඉල්ලුවේ එ පහසුකම් ටික දෙන්න කියල.මල්ලි අපේ exam වලටත් 90 ගණන් තියෙන්නේ batch එකකින්ම එක්කෙනෙක්ට දෙන්නෙකට වගේ,SAITM එක ගැන කියන කතා ගොඩක් කුහකත්වය,ඉරිසියාව උඩ ගොතපුව.FB එකේ කොච්චර NO PMC post වැටුනත් මන් comment කරන්නේ නැහැ,විවුර්ත විදියට මේක ගැන කියල තියන නිසා SAITM එකේ ඉන්න කෙනෙක් විදියට ඔය ටික කිව්වේ.“

මෙහෙමත් කිවුවා,

“අපිත් කැමති නෑ මල්ලා කොලිෆිකේශන් අඩුවෙන් අවුට් වෙන්න. අපේ අතින් පොඩි හරි වැරැද්දක් උනත් අපේ ජොබ් එකම නෙ නැති වෙන්නෙ.“

දැන් ප්‍රශ්නෙ දෙපැත්තක් තියනවා. හරි කවුද, වැරදි කවුද කියන එක මම කියන්න දන්නෙ නැති උනත්, මං පොදුවේ කියන දේ තමයි,
  • පෞද්ගලික වෛද්‍ය විද්‍යාල තියෙන්න ඕන..
  • ඒවා නිසි වෛද්‍ය විද්‍යාල වෙන්න ඕන..

Friday, October 4, 2013

ගැහැණිය | ‍කෙටි කතාව

මොකෙක්ද මන්දා මේ උදේ පාන්දර කෝල් කරන්නෙ.. නිවාඩු දවසක නිදාගන්නවත් නෑ.. රෙද්ද.. 

"හලෝ..."  ""

"මචං මේ, මම චරා... වරෙං අද සෙට් එකත් එක්ක නාන්න යන්න... බස් හෝල්ට් එකට වරෙං පුලුවං ඉක්මන්ට.. "

"අම්මටසිරි... හරි බං මං එනෝ..."

නිදාගන්න කවදා නම් බැරි ද, ඒ වගේද සෙට් එකත් එක්ක නාන්න යන්න තියනවා නං. මාත් ඉතිං පුලුවං තරං ඉක්මනට ලෑස්ති වෙලා දුවගෙන බස් හෝල්ට් එකට ගියා. සෙට් එක ඉන්නවා කිවුවට කතා කරපු එකා විතරයි යද්දි. 

"මොන මගුලක්ද මන්දා බං.. මේ කාළකණ්නි එකෙක්කත් නෑ නෙ කියන වෙලාවකට එන්නෙ.."

ඒ චරා. ටික වෙලාවකිං අනිත් එවුං දෙන්නත් ආවා කම්මැලි ඇර ඇර. කමක් නෑ කියලා නැග්ගා බස් එකකට. හැමදාම වගේ පස්සෙ සීට් එක තමා පොට් එක. සෙට් එකටම එකට යන්න පුලුවං, ඒ තරං රසක් නෑ. වාසනාව කියන්නෙ බස් එකට නැග්ගා පට්ට කෙල්ලෙක්. මේ වගේ සෙට් එකක් එක්ක යද්දි මොන හිරි ඔතප් ද? නැග්ග වෙලේ ඉදන් කෙල්ලව බයිට් එකට ගත්තෙ අපි සෙට් එක. 

ටික වෙලාවක් යද්දි ඉස්සරහා සීට් එකේ ගෑණු මනුස්සයෙක් තව කෙනෙක්ට ටිකක් සැරෙන් කතාකරනවා ඇහෙන්න ගත්තා. මාත් ඉතිං කන දාගෙන අහන් උන්නා.

"මොනාද මහත්තයො මේ කරන ජරා වැඩ. ගෑණු මනුස්සයෙක්ට බස් එකක නිදහසේ යන්න බැරි ද?"

මේ කියන්නෙ අපි ගැන වත් ද? තව ටිකක් ලං වෙලා අහන් හිටියා.

"ගෑණු මනුස්සයෙක්ගෙ පිට අතගාන්නයි.... ...... ...... ..... ලැජ්ජ නැද්ද මහත්තයො"

ඒ වෙලේ තමයි හිතේ සැකේ නැති උනේ. වාඩි වෙලා හිටිය අපිත් ඉස්සරහාට ගියා මොකද වෙන්නෙ බලන්න. ඒක අස්සෙ අවුරුදු තිහක් තිස් පහක් විතර වෙන මනුස්සයෙක් කියවන්න ගත්තා අර ගෑණු මනුස්සයාට අමු තිත්ත කුණුහරුපෙන්. 

"තොට ඒකෙන් වැඩක් නෑ නෙ **** ... ... ..."

මේක අහන් ඉන්න බැරිවෙච්ච තවත් මනුස්සයෙක් ඇවිත් මේ මිනිහාට තේරුම් කරන්න ගත්තා.

"මොනාද මිනිහො, ගෑණියෙක්ට බස් එකක යන්න දෙන්නෙ නැත්තෙ, ලැජ්ජ නැද්ද තමුසෙලාට"

අර මිනිහා මේ මිනිහාටත් කියවන්න ගත්තා..

"තෝ තොගේ වැඩක් බලාගෙන මකබෑවිලා පලයං *****..."

මට හිතාගන්න බෑ මොනවා කරන්නද කියලා. අපිත් කෙල්ලෙක්ට විහිලු කර කර ආවෙ. ඒත් ඒ මේ මිනිහා වගේ අසහනේකට නෙමෙයි.. කොලු කමට.. ඒක හිතද්දියි මං දැක්කෙ අර ගෑණු මනුස්සයා ගෙ අතේ ඉන්න දරුවා. මේ වගේ අසහනකාරයො නං.....

"මේ වගේ එවුන්ට නං ගහන්න ඕන යකෝ..."

මට කියවුනේ ඉබේටම වගේ.. ඒ වචන ටික පිටඋනා විතරයි මාත් එක්ක ආපු එවුන් ටික පැන්න ගමන් අර යකාට තඩිබාන්න ගත්තා. මට ඒ වෙලේ තේරුනේ මුංටත් ගහන්නයි ඕන වෙලා තිබ්බෙ කියලා. මාත් අස්සෙං අත දාලා දුන්නා ඌට, කාලෙකිං අත පයේ හිරි ඇරගත්තෙත් නෑ නෙ. ඒක අස්සෙ කෙසග කොලු ගැටයෙකුත් මැද්දට පැනලා අර මිනිහාට ගහන්න ගත්තා. ඔක්කොම උං ගහලා ගහලා අන්තිමට අර මිනිහාගෙ එක ඇහැක් උඩ ගිහින් වගේ. මූණෙ ගන්න සංසාරයක් නෑ. 

ඔක්කොම උං ගහලා අර මිනිහා ගියාටත් පස්සෙ මං ගිහිං වාඩි උනා ආපහු හිටපු තැනම. තාමත් මගේ අත ගැහෙනවා අර මිනිහා කියපු ඒවා වලට. ඒත් එක්කම අර කොලු ගැටයා මගේ ගාවට ඇවිත් නැවතුනා. මාත් ඉතිං බැලුවා මොකද කියලා..

"Thank you"

මට තේරුනේ නෑ මොකද එහෙම කිවුවෙ කියලා.

"ඒ මොකටද?"

මං ඇහුවා..













"ඒ මගේ අම්මා..."




-------------------------------------------------------------------------------
මේක මගේ යාලුවෙක්ට වෙච්ච ඇත්ත කතාවක්. මාස ගානෙකිං බ්ලොග් එක පැත්තෙ ආවෙ නැති උනාට අද මේ කතාව ඇහුවාම ලියන්නෙ නැතුව ඉන්න බැරි උනා. කතාවට කෑලි ටිකක් අතිනුත් දැම්මා. 

Saturday, June 29, 2013

Safire | Next generation music player

මාස 3 කින් විතර මුකුත් ලිවුවෙ නෑ නෙ. ලියන්න තරම් දෙයක් හිතාගන්න බැරි උනා. ඒත් මේ ගිය මාස ටිකේ ගෙදෙට්ට වෙලා ඉදලා සින්දු අහපු එකම තමයි කරේ. ඒත් ඒ මං මේ කියන්න යන එකෙන් නෙමෙයි, වින්ඩෝස් 8 වල තියන ප්ලේයර් එකෙන්. පස්සෙ මාලඹේ ආවාට පස්සෙ අපේ යාලුවෙක් හදපු Music Player එකක් download කරගත්තා. මේ කියන්න යන්නෙ ඒ ප්ලේයර් එකේ තියන විශේෂාංග සහ මේක ගැන මම හිතන දේ කියන්න.

ඒකෙ නම Safire කියලයි නම් කරලා තියෙන්නෙ. ඉස්සෙස්ටසල්ලාම මේ ප්ලේයර් එක දාගත්තාම අපේ mp3 තියන ලොකේශන් එකක් අහනවා. එතනින් හරිම ඉක්මනට සින්දු ටික ලෝඩ් කරගන්නවා. පස්සෙ ප්ලේයර් එක රී ස්ටාට් කරලා ගත්තාම අපේ මුලු සින්දු ටිකම ලස්සනට Songs, Albums, Artists, Genre කියන අංග වලට බෙදිලා ඕන විදිහට හොයාගන්න පහසු කරනවා. ඒත් එක්කම Songs, Albums, Artists rate කරන්න පහසුකම් ලබා දීලා තියන නිසා බොහොම ඉක්මනට අපි කැමතිම සින්දු හොයාගන්න පුලුවන්. ඒ වගේම මේකෙ තියන search ඔප්ශන් එකත් බොහොම වේගවත්.

ප්ලේයර් එකේ උඩිම්ම තියනවා Now Playing | Library | Home | Fx | Visualization | Pasco | Ivy කියලා කෑලි ට්කක්.

Now Playing 


මේක නම් සාමාන්‍ය ප්ලේයර් එකක වගේ, ඒත් සරල-පහසු user interface එකක්. ඒත් බොහොම සිත්ඇදගන්නාසුලුයි. මේකෙ සින්දුවක් අහන ගමන් ඒක කියන ආර්ටිස්ට් ගෙ පින්තූරෙ බාගතකරගන්න පුලුවන් දකුණු පැත්තෙ පල්ලෙහා තියන Download Image කියන බොත්තමෙන්.


Library
 මේකෙ අපේ සින්දු සේරම තියනවා. මගේ කොම්පීටරේ නම් ඉතින් සින්දු 1000 ගානයි තියෙන්නෙ. ඒත් ඒ ටික හොදට ඕගනයිස් වෙලා තියනවා. අපිට ඒක සින්දුවේ නමින් නැත්නම් Album එකේ නැත්තං Artist ගෙ නමින් හොයාගන්න පුලුවන් වගේම රේට් කරන්නත් පුලුවන්. එහාපැත්තෙ තියන New Playlist කියන තැනට අපේ කැමති සින්දු ටිකක් ඇදලා දාලා Playlist එකක් හරිම ලේසියෙන් හදාගන්න පුලුවන්. එතනම තියන More කියන ඔප්ශන් එකෙන් අපිට ඕන විදිහට A - Z, Z - A, Top rated, Last Added වගේ අපිට පහසු පිලිවෙලකට හදාගන්න පුලුවන්. 

Home
මේ Home කියන ටැබ් එක කොටස් 3 කින් සමන්විතයි. ඔය ඉස්සරහාම තියෙන්නෙ අපිට ඉස්සෙල්ලාම පේන විදිහ. ඉතුරු කොටස් දෙකට යන්න පුලුවන් අර පල්ලෙහා තියන බොත්තං වගේ කෑලි වලින්, නැත්නම් මවුස් එකෙන් ඒ ස්ක්‍රීන් එක වම් පැත්තට ඩ්‍රෑග් කරලා ෆෝන් එකක වගේ. ඒකෙ අන්තිමට තියෙන්නෙ අපිට කැමති කොටස් ගානකට වෙන් කරගන්න පුලුවන්, සින්දුවේ තාලෙට පැද්දෙන බාර් වගයක්. 
ඒකෙත් අපිට කැමති ගානක් බාර් දාන්න පුලුවන්. හැබැයි මට හොදටම හිතට ඇල්ලුවෙ මැද ස්ක්‍රීන් එකේ තිබ්බ ගැජට් එක. ගොඩක් mp3 එද්දි ඒවාගේ Artists ලා ගෙ පින්තූර Album pictures මොනවත් එන්නෙ නෑ නෙ. හැබැයි මේ ප්ලේයර් එකේ තියනවා ඔප්ශන් එකක් Download Images කියලා. ඒක එබුවාම අපිට ඩවුන්ලෝඩ් කරන්න පුලුවන් වින්ඩෝ එකක් ඕපන් වෙනවා. අපිට තියෙන්නෙ ඒක ඔබන්න විතරයි.

ඒත් එක්කම අපේ ඇල්බම්ස් ආර්ටිස්ට්ස් ලා ටික හැදිලා එනවා හරිම අපූරු විදිහකට..
මුලින් මෙහෙම
ඩවුන්ලෝඩ් කරාම
Fx
මේක නං මම සෑහෙන්න කැමති තැනක්. ඒකෙ අපේ සාමාන්‍ය ප්ලේයර් එකක වගේ Equalizer එකක් එක්ක අලුත්ම දේවල් ටිකක් තියනවා. මම ඒවායින් වැඩිපුරම කැමති Boosters කියන කොටසට. ඒකෙ තියන Bass Booster එක ටිකක් වැඩි කරාම හරියට beats audio වල bass enhance කරනවා වගේ දෙයක් සිද්ධ වෙනවා. මම නං ඒක වැඩිම කරලා අහන්නෙ. එතකොට සින්දු ඇගට දැනෙනවා හොදට. Rock සින්දු අහද්දි වගේ නම් මේක බොහොම වැදගත්. Cross Fade, Sharping, Pitch Shift වගේ දේවල් එක්ක Karaoke කියලා කොටසකුත් මේකෙ තියනවා. ඒකෙන් කරන්නෙ audio signals invert කරලා කැරොකෙ effect එකක් එන විදිහට සින්දුව හැඩගස්සන එක. තේරෙන සිංහලෙං කිවුවොත් සින්දුවේ කටහඩ තියන කොටස අඩු කරලා මියුසික් එක වැඩි කරනවා, ඕන නම් මේක දාගෙන සින්දු කියන්න උනත් පුලුවං.. මම දැනට බලපු සින්දු හැම එකකටම වගේ ඒක හොදට වැඩ කරා.

Visualization
Safire player එකටම ආවේනික වෙච්ච Visualization කිහිපයක් මේකෙ දීලා තියනවා. අපිට කැමති එකක් තෝරගන්න උනත් පහසුතම් මේකෙන් දීලා තියනවා. 

Pasco
මේක නිකන් ප්ලේයර් එක ඇතුලෙම තියන Web Browser එකක් වගේ. දැනට ලෝකෙ ප්‍රසිද්ධ සින්දු තියන තැන් වලට යන්න, ප්ලේයර් එකේ සයිට් එකට, ෆේස්බුක් පේජ් එකට, ට්විටර් එකට එහෙම යන්න මේකෙ බොහොම පහසු ඉක්මන් විදිහට හදලා තියනවා. 

Ivy
මේකෙ තියෙන්නෙ ප්ලේයර් එකේ තියන ප්ලගින්ස් වගයක්, අලුතින් ප්ලගින්ස් දාගන්නත් පහසුකම් මේකෙ දීලා තියනවා. ඒකෙ මම දැනට කැමතිම එත තමයි සින්දුවේ නම ගහපු ගමන් ලිරික්ස් හොයලා දෙන ප්ලගින් එක.

Settings and Customization
මෙතනින් අපිට එක එක ජාති වෙනස් කරන්න පුලුවන්. ඒ වගේම හොදම වැඩේ තමයි player background එක වෙනස් කරන්න පුලුවන් එක. මං දන්නෑ මං ඒ එන විදිහට සෑහෙන්න කැමතියි.


මේ කොච්චර වැඩ තිබ්බත් ප්ලේයර් එක අපේ රැම් එකෙන් බොහොම පොඩි ඉඩක් අරගෙනයි වැඩ ටික ඔක්කොම කරන්නෙ. ඒක ගොඩක් ලොකු වාසියක් වගේම අපිටත් පහසුවක්.
මගේ ප්‍රොසෙසරේ නම් i7-3632 QM 2.2GHz
පෞද්ගලිකව මම දැනට පාවිච්චි කරපු හොදම මියුසික් ප්ලේයර් එක මේක කියලා මට කියන්න පුලුවන්. මේක හැදුවෙ දේශාන් අලහකෝන් කියලා අපේ යාලුවෙක් දැන් ස්ලිට් එකේ ඉගෙනගන්න. පල්ලෙහා තියනවා මේ සයිට් එක. ගොඩවෙලා බාගන්නකො එහෙනං. හොද නරක  යෝජනා එහෙම ෆේස්බුක් පේජ් එකට දාන්න. කොහොමත් මේ තියෙන්නෙ Safire 1.0 කියන වර්ශන් එක. Safire 1.1 update එක ළගදිම එනවා කියලා තියනවා. ලංකාවෙ හදපු ජාත්‍යන්තර මට්ටමේ  පළවෙනි Music player එක මේක. දන්න අදුනන අයට කියමු නේ..




ප.ලි. : මේ ප්ලේයර් එක වින්ඩෝස් වල වැඩ.. 7 උනත් එකයි 8ත් එකයි..